Coñecemos ‘Pedronia’, un proxecto de impresión 3D que naceu na Coruña e grazas ás horas de confinamento da pandemia. Os artífices son Jesús e Xosé Carnota, dous irmáns que compaxinan este novo oficio coas súas profesións de informático e deseñador gráfico-publicitario respectivamente.

“Un dos encargos máis curiosos que nos fixeron foi para un dos maiores coleccionistas de bonecos Airgam Boys de España, e foi o deseño e a impresión duns cascos para unha colección histórica que estaba a facer e que recrea aos Terzos de Flandes. Non atopaban por ningún lado un casco que se adaptase ao que quería nin as á medida da cabeza dese. Nós fixémosllos.  Tamén nos tocou escanear un pemento de Padrón para imprimir un de case un metro de longo. E agora temos un proxecto para escanear un percebe para imprimilo en grandes proporcións”, apuntan nesta entrevista.