Mañá caótica na estación de ferrocarril da Coruña, con centos de persoas esperando que se solventen os atrasos de varios trens en Galicia.

A indignación é maior pois non hai persoal de Renfe na estación da Coruña que informe dos problemas e só hai persoal de ADIF dicindo que non teñen competencia. Moitos perderon as súas conexións, e outros están “atrapados” nas plataformas xa que unha vez que “ticaron” os seus billetes non poden saír da zona de embarque.

Pola súa banda, segundo fontes de Renfe consultadas por Europa Press, un problema técnico do convoi que saía de Vigo ás 06,40 horas impediu a súa partida a tempo, polo que o tren non comezou a circular ata 50 minutos despois.

Á súa vez, esta situación provocou que a viaxe inversa entre A Coruña e Vigo das 09,00 horas tivese que esperar a que o tren chegase para poder saír. Así mesmo, o ferrocarril que estaba programado para as 08,00 horas, saíu de Vigo 35 minutos tarde debido a outra incidencia técnica.