Afianzar o Flores Rock como referente na cidade. Ese é o obxectivo da Asociación Veciñal do Barrio das Flores que, xunto co Concello, convocan a primeira “batalla” de bandas para o singular festival. Un xeito de dar a oportunidade a bandas locais menos coñecidas de poder actuar como convidados no festival e de fomentar a cultura local.
As bandas gañadoras do concurso, que terá lugar o 8 de xullo na Sala Túnel, actuarán no Flores Rock, cuxa celebración está prevista para o 2 de setembro.
As bandas que desexen participar na batalla deberán facer chegar a súa solicitude antes do 14 de maio na dirección batallabandasfr@gmail.com. Deberán achegar tres temas orixinais en formato mp3, ogg ou ima e posuir un repertorio de directo que teña como mínimo un 70% de temas orixinais e que non sexa inferior aos 50 minutos.
