Arrincaron as mobilizacións en Cambre para buscar solucións aos atascos na Costa da Tapia. Fano, veciñanza e Concello, pedindo a construción dunha rotonda na entrada da AP-9, en O Temple. Unha obra que, como nos contaba o seu alcalde, Óscar García Patiño, xa se pedira no 2022 á subdelegación do Goberno na Coruña, pero que aínda non se executou.

Así, trala petición dunha acción social por parte do impulsor desta iniciativa, Daniel Garaboa, veciño da parroquia, e coa axuda da Asociación Veciñal O Temple, a Asociación de Empresarios Cambre Empresarial e o Concello, estáse a reclamar a execución da infraestrutura cunha recollida de sinaturas ao longo da semana e en diversos puntos do termo municipal.

Na vila consideran que habilitar unha rotonda provisional na saída da autovía, 100m antes da rotonda da Casa das Palmeiras, pode ser unha solución. “Esta infraestrutura permitiría probar a eficacia desta infraestrutura”, explican.

Citas

As persoas interesadas en asinar a petición veciñal poden facelo no seguintes datas e lugares:

• Os días 17, 19 e 21 de abril (de 17.00 a 20.30 horas) no arredores da Casa das Palmeiras.
• Os días 18 e 20 de abril (de 10:00 a 14:00 horas) na Casa do concello.
• Os días 22 e 23 de abril (de 11:00 a 14:30 e de 16:30 a 21:30 horas) no Mercado de Oportunidades do Temple, no polideportivo.

Ademais, as follas de rexistro tamén están dispoñibles nas instalacións colaboradoras do Temple e Cambre, así como nos rexistros de entrada do Concello.