Un traballador da refinaría de Repsol da Coruña resultou ferido leve tras un incendio rexistrado esta madrugada na unidade de cru dous da instalación. O lume foi extinguido, con medios propios, polos equipos de seguridade do complexo industrial.
Así o informa Repsol nun comunicado no que explica que o plan de emerxencia interior activouse con carácter inmediato e, tras a extinción, quedou desactivado.
En canto ao estado do traballador ferido leve, precisa que xa se atopa no seu domicilio tras ser atendido polos servizos médicos da clínica do centro industrial.
Os feitos foron comunicados ás autoridades e tamén se contactou coas asociacións veciñais para informarlles do sucedido. Así mesmo, a compañía afirma que agora abrirá unha investigación para determinar as causas do suceso.
#Coruña – En directo el incendio 🔥 que afecta a la refinería 🏭
Los bomberos 🚒 intentan sofocarlo desde distintos puntos.#Vídeo 📹▶️ pic.twitter.com/eyNrUIHGW2
— Eloy TP (@EloyTP) April 19, 2023
