InicioARTEIXOA detención dunha persoa en Arteixo permite desmantelar un laboratorio de droga...

A detención dunha persoa en Arteixo permite desmantelar un laboratorio de droga en Xetafe

Publicada o

Por europapress

A Operación Cerro Azul, desenvolvida pola Garda Civil da Coruña, saldouse coa detención de dúas persoas (unha delas un veciño de Arteixo) por tráfico de drogas e permitiu desmantelar un laboratorio dedicado á síntese de distintos tipos de sustancias estupefacientes situado en Xetafe (Madrid).

A operación, iniciada a comezos deste ano, prestaba atención á venda ‘polo miúdo’ de drogas en locais e zonas de lecer da provincia da Coruña. No marco desta vixilancia, os axentes detectaron a un home que, de maneira esporádica, desprazábase á provincia da Coruña para mercar cocaína e distribuíla en clubs de alterne.

Noutra viaxe realizada polo home, de nacionalidade estranxeira, a Garda Civil interviu xusto cando estaba mantendo un encontro nun vehículo cun veciño de Arteixo para mercar droga. A Garda Civil identificou entón os ocupantes do vehículo e procedeu á inspección do mesmo. No coche, foi localizado un paquete rectangular de 1.150 gramos de cocaína.

Tras deter aos dous individuos, os axentes practicaron entradas e rexistros nas súas vivendas, en Arteixo e Xetafe. Neste último foi desmantelado un laboratorio de procesado de diversas sustancias estupefacientes, e incautáronse utensilios para a súa manipulación e un vehículo.

A operación finalizou coa incautación de 4,3 quilos de cocaína, 5,6 quilos de MDMA, 1,5 quilos de pastillas de éxtases e abundante sustancia de corte, básculas de precisión, prensas e envasadoras ao baleiro. Os detidos foron postos a disposición do Xulgado de Instrución nº5 da Coruña, acordándose o ingreso en prisión do afincado en Madrid.

ÚLTIMAS

Piden entre catro e seis anos de cárcere para oito persoas acusadas de tráfico de drogas nun piso localizado en Novo Mesoiro

A Audiencia da Coruña xulgará o vindeiro martes, mércores e xoves a oito persoas que se dedicaban...

Trasladada ao Chuac unha muller de avanzada idade tras arder o microondas da súa cociña na rúa de Chile

Unha muller de avanzada idade tivo que ser trasladada ao Hospital Universitario da Coruña...

Olladas doutro tempo: Peixeiras no muro

Coruña existe polo seu porto. Éste inflúe ó longo da Historia sobre o desenrolo...

O Goberno corrixirá os topónimos deturpados da Coruña dun documento tras denuncialo o BNG

O Goberno central corrixirá os topónimos deturpados da Coruña (e Ourense) dun documento cun...