A alcaldesa da Coruña e candidata socialista á alcaldía da Coruña, Inés Rey, presentará este mércores, día 3, a súa candidatura ante a cidadanía nun acto aberto a todos os coruñeses e coruñesas, segundo informa a formación.
A rexedora presentará a súa candidatura para a reelección co obxectivo de “lograr o respaldo maioritario dos coruñeses e coruñesas despois de catro anos de avances”.
“O noso é un proxecto sólido e confiable e que necesita dun equipo preparado e comprometido coa cidade”, sinala Inés Rey en referencia aos integrantes da mesma.
A presentación da candidatura terá lugar no patio da Fundación Luís Seoane, ás 19,30 horas, e contará coas intervencións do secretario xeral do PSdeG e presidente da Deputación coruñesa, Valentín González Formoso, e o actual delegado do Goberno e exlíder dos socialistas galegos, José Ramón Gómez Besteiro.
