O IES Miraflores de Oleiros recadou 6.100 euros para a Fundación Diego González. Segundo informan, unhas 400 persoas de todas as idades participaron na carreira popular, celebrada o pasado 21 de abril, e que, por quinto ano consecutivo, impulsou o instituto, co patrocinio de máis de 500 empresas da comarca, así como o concello de Oleiros.

As achegas nesta “festa solidaria” destinaránse á fundación impulsada polo cirurxián coruñés que, desde fai máis dunha década, opera en todo o mundo a persoas sen recursos a través da súa técnica de cirurxía Uniportal VATS.

En concreto, será para a adquisición de material e dunha unidade móbil de cirurxía “que supla as carencias e os problemas que xorden nos centros hospitalarios dos países máis pobres coa finalidade de salvar vidas a través de ditas intervencións”.