O Estado construirá 88 vivendas sociais na Coruña nos terreos de Defensa solicitados polo concello, segundo informa o goberno local. As novas edificacións estarán na Maestranza e Adelaida Muro.

Así o notificou o Goberno central ao consistorio, explica este último que precisa que o Ministerio de Defensa cederá estes terreos ao de Transportes, Mobilidade e Axenda Urbana, que será o responsable de acometer os travajos a través do Sepes, a entidade estatal do chan.

O Concello solicitoulle ao Estado a construción de vivendas nestas parcelas ao ser as únicas da súa titularidade na cidade que reúnen as condicións para uso residencial.

No caso da Maestranza, os informes técnicos indican que a edificación no solar situado no número tres da rúa que cederá Defensa ao Mitma non afectaría os restos arqueolóxicos da antiga muralla da Coruña atopados no terreo.