”Estamos de festa”, recoñecía ao remate un dos membros do equipo Enki. “Levo décadas participando en todo tipo de carreiras, pero nunca me emocionionei coma hoxe”, recoñecía na Praza de María Pita Teresa Castro, a atleta vimiancesa, participante mesmo de campionatos de Europa de Veteranos, que hoxe se estreaba levando unha desas impresionantes cadeiras deportivas.
Foron precisamente esas cadeiras as grandes protagonistas da Carreira inclusiva RUNKI, promovida pola entidade ENKI e a Fundación Adcai co apoio da Deputación da Coruña, a Xunta de Galicia e Vegalsa-Eroski. Chegadas de todas partes do estado (Yocorroporlúa, Corregamusin@s solidari@s, Discamino, AEFAT, Zureirrifarranireindarra, Grupo Los Disis, y Cohete Team, Familia Superlu Arrastrasillas Déjame tus piernas, Apapachando, ademais do padrino Eric Domingo, referente en carritos de running), demostraron a importancia de promover o deporte entre as persoas con discapacidade como verdadeiro vehículo da integración social.
Foron máis de 3000 participantes os que encheron de cor a cidade coas súas capas de superheroe. A proba partía de Riazor, e chegaba a Maria Pita, pasando pola Torre os máis deportistas (na proba de 7K) e directamente pola rúa Real as familia (na proba de 2k). Polo camiño, gaiteiros, bandas de rock… para facer bailar e disfrutar desta carreira festiva.
Máis festa á chegada a Marái Pita, onde se entregaron os premios ao Mellor Disfraz (Ortodix Tooth), Mellor Disfraz en Grupo (Rubrik’s Cubes), o equipo mixto máis rápido (Estrellas de Galicia), o grupo Adaptado feminino (Silvia Roldán, a nai de Eric), o 1º clasificado adaptado masculino (Víctor García Carro). Ademais, Jorge Cortés foi o campión na categoría masculina e Begoña Gonzále (na feminina).
Todo, para recadar un total dos 18.768 euros que se destinan integramente ás bolsas Runki.
