Cheira a verán, malia que mañá teñamos alerta amarela. Pero cada mes de maio,  a retirada da duna de area instalada ao longo do areal de Riazor é sinónimo do comezo da estación estival.

Dende hoxe as máquinas, criticadas polo sector máis conservacionista da cidade, xa andan por Riazor retirando esa duna instalada no inverno para protexer o paseo marítimo das inclemencias meteorolóxicas do mar.

Durante estes días, en función das mareas e da climatoloxía, escoitaremos o tradicional e molesto “pipi” das excavadoras.

Cheira a verán! cada maio, coa caída da duna, comeza o tempo de praia… Pero ollo, que mañá temporal… pic.twitter.com/O5EWVoyIBi

— Xornal da Coruña (@xornaldacoruna) May 15, 2023

A praia de Riazor e o resto de areais da cidade prepáranse xa para a tempada de verán, que comezará o próximo 15 de xuño. Este ano haberá dúas prazas máis do servizo de socorrismo, o que garantirá a presenza de persoal de maneira permanente na zona de baño do Parrote.