A Policía Nacional evitou que un home con problemas psiquiátricos saltase desde a xanela do seu domicilio a un patio interior, na rúa Real, segundo informa a Xefatura Superior de Policía en Galicia. Sobre as cinco e media desta madrugada, unha chamada a emerxencias alertou sobre un home que, empolicado á xanela do seu domicilio, ameazaba con lanzarse ao baleiro desde un sétimo piso.

Enseguida acoden ao lugar tanto Policía Nacional como servizos sanitarios e os bombeiros, que chegan a despregar un colchón inflado no patio interior por se, finalmente, decidía tirarse. Este home encerrouse nunha das habitacións do domicilio e atrancou a porta con mobles para evitar que os primeiros policías actuantes puidesen chegar a el.

Entón, activouse a figura do negociador “cuxa actuación foi determinante para evitar que este home acabase coa súa vida”. Tras catro horas de intervención, conseguiuse que abrise voluntariamente a porta e, así, poder ser inmobilizado polos policías para ser atendido polos servizos sanitarios.