O Concello da Coruña premiou a creatividade audiovisual do alumnado coruñés na segunda edición de ‘Cinema na escola’, nun acto celebrado no auditorio da Ágora.

Trátase dunha iniciativa promovida pola Concellaría de Educación co obxectivo de achegar ás novas xeracións ao ámbito audiovisual.

Tamén busca fomentar valores como o traballo en equipo para o impulso de proxectos creativos. Neste curso, tomaron parte 18 centros educativos da cidade.

A gala, que congregou entre onte e hoxe a alumnas e alumnos que cursan primaria e secundaria na Coruña, puxo o peche a meses de preparativos que implicou a redacción de guións, plans de rodaxe e edición de vídeo necesarios para a presentación final dos seus proxectos, en forma de curtametraxes.