A Garda Civil investiga a agresión con arma branca a un mozo nas festas de Santa Cruz, en Oleiros, segundo confirmaron fontes da Benemérita. Os feitos producíronse durante unha pelexa, pola noite, o pasado venres, nunha agresión que agora se investiga sen que polo momento haxa detidos. En concreto, investígase ao autor ou autores dos feitos que se produciron na citada liorta. O mozo resultou ferido, aínda que non de gravidade, e foi trasladado a un centro hospitalario, onde recibiu asistencia médica.