O Concello de Cambre recibiu este sábado á agrupación de música tradicional Sementeira Cambre, con motivo da súa recente participación no Festival Intercéltico de Lorient.

O alcalde en funcións, Juan González Leirós, acompañado polo edil de Cultura, David Saborido, foron os encargados de recibir á banda musical, da que destacaron “o seu notable paso por este festival”, un dos eventos máis sinalados no ámbito da cultura celta.

Na súa intervención, González Leirós, puxo de relevancia “o enorme mérito que ten participar nun dos eventos do folclore a nivel mundial”, á vez que garantiu o “apoio incondicional” do goberno local.