As oficinas da Consellería de Sanidade e de Abanca, situadas na rúa Durán Loriga, na Coruña, foron desaloxadas por mor dun lume nuns cartóns.

Tratouse dun incidente ocorrido pouco antes do nove da mañá e que se saldou sen feridos, segundo informou a Europa Press o servizo de emerxencias 112 Galicia.

O operativo de extinción activouse ás 08.50 horas deste xoves tras a chamada dun particular que alertaba dun incendio neste punto.

Ao lugar acudiron axentes da Policía Local e efectivos de bombeiros da cidade herculina, quen confirmaron que o incendio se produciu no patio de luces do inmoble, onde arderon uns cartóns “posiblemente por mor dunha cabicha de cigarro tirada desde unha xanela”.