A treboada que azoutou a cidade da Coruña durante a noite do venres provocou o fundido do faro da Torre de Hércules, segundo informou o CIAE 112 Galicia.
Ocorreu ao redor das 22,15 horas pola caída dun raio na zona onde se sitúa o monumento patrimonio da humanidade, que quedou ás escuras durante un bo rato da noite.
Cazouno así de ben de @mepartoneno:
Aquí está el vídeo a cámara lenta de donde se sacó el fotograma anterior, realmente hipnótico ver como cae y tiene una gran duración en comparación con el resto. @EloyTP @silcerino @vozcoruna @vocescoruna #Coruña mola hasta cuando truena ⚡️💙 pic.twitter.com/rf7DVhiJ3u
— MePartoNeno (@MePartoNeno) September 8, 2023
Galicia rexistra case 6.000 raios caídos sobre a comunidade nas últimas horas
As treboadas que manteñen en aviso amarelo durante este sábado a toda Galicia provocaron case 6.000 raios caídos sobre territorio galego nas últimas horas.
Os medidores de Meteogalicia captaron desde as 22,00 horas do venres ata primeira hora desta mañá máis de 10.000 raios, dos que 5.800 caeron en terra.
Ademais do aparello eléctrico, as treboadas deixaron ao seu paso fortes precipitacións, en moitos casos, concentradas nun período curto de tempo.
O maior de rexistro de acumulación de choiva foi na Fonsagrada (Lugo), onde se recolleron 33,2 litros por metro cadrado durante a joranda do venres.
Os municipios ourensáns de Pazos de Borbén, Muíños ou a propia capital provincial tamén foron algúns dos puntos máis chuviosos con acumulacións por encima dos 25 litros por m2.
