A AP-9 rexistrou nunha hora dous sinistros de tráfico que complicaron a circulación. Sucederon no quilómetro 7 e 8 da autoestrada, á altura de Oleiros e Culleredo entre pasadas as 14 e as 15.30 horas, en ambos os casos, sentido Santiago de Compostela.

Segundo a información facilitada polo 112, no caso do sinistro de Oleiros sucedéronse varias saídas de vía por unha sustancia resbaladiza, polo que se informaron tamén aos técnicos de mantemento da vía, así como aos bombeiros.

E é que, nunha das saídas de vía, resultou danado tamén un farol de iluminación da autoestrada, do cal informou a propia condutora do vehículo accidentado, que pediu tamén asistencia médica.