Celebrouse esta fin de semana no forno de Riazor o primeiro partido de pretemporada para o Basque Coruña e o fixo cunha vitoria por 82-78 ante o Vitoria de Guimaraens. Un típico partido de pretemporada no que os de Diego Epifanio non se puideron escapar no marcador, pero que serviu para repartir minutos, para non sufrir lesións, e para ver cousas positivas dos que xa estaban e dos novos.

Aleix Font (16), Alex Hernández (12) e Sean McDonnel (13) foron os máximos anotadore dos de Diego Epifanio. Foi importante o mando de Alex Hernández, que dá tanto na pista como no vestiario, pero tamén se viron cousas moi positiva de Goran Huskic no poste baixo, Sean na anotación, ou Pablo.

O míster recoñeceu que quedan cousas que mellorar o “timing”, pero quedou moi satisfeiro co partido.

Viaxe a Lugo

A expedición laranxa xa prepara o Derbi Galego do vindeiro venres ás 18:00 no Pazo dos Deportes de Lugo ante o Monbus Obradoiro, para disputar a Copa Galicia.

O Club anima a afección a acodir cunha viaxe a un custe de 12 €, con saída do autobús: 15:30 h da explanada do Pazo dos Deportes de Riazor.

A compra de entradas para o partido debe ser xestionada por cada persoa. A inscrición nesta viaxe pode realizarse ata o vindeiro martes día 12 ás 16:00 horas enviando un correo electrónico a comunicacion@basquetcoruna.com indicando nome completo, correo electrónico e teléfono.