Representantes sindicais de CIG-Industria concentráronse na Coruña, ante os xulgados do Social, para denunciar “represión sindical” na empresa Elecnor. Foi coincidindo co xuízo a un membro do comité de empresa, que foi trasladado a Burgos.

Segundo informa a central sindical, con esta mobilización a Federación de Industria da CIG busca denunciar “a represión sindical que están a sufrir os membros do comité de empresa”.

Ademais, afirma que a dirección “trasladou a un membro do comité da Coruña a Burgos por supostas causas produtivas e organizativas, alegando que non tiña carga de traballo para este compañeiro” cando, engade, se hai “para contratas que realizan o mesmo traballo que o empregado trasladado”.