A alcaldesa da Coruña, Inés Rey, anunciou máis de 300 prazas de formación gratuíta a través dos novos cursos municipais de formación de emprego. En concreto, o goberno local programou o inicio de seis formacións gratuítas para persoas desempregadas este mes.

Así o expuxo a rexedora no centro municipal de emprego dos Rosales, ao que se achegou para coñecer o traballo de estudantes dos cursos de informática e ciberseguridade, que iniciaron as súas clases o luns.

“En total, 304 persoas en situación de desemprego terán a oportundiad de iniciar a súa formación gratuíta nos cursos de emprego municipais este semestre”, citou en relación a propostas formativas vinculadas á construción ou a carpintaría, entre outras.

Noutra orde de cousas, e, a preguntas dos xornalistas, volveu a reclamar á Xunta medidas para o control do xabaril. Tamén manifestou que se están dando “pasos” para a implantación da Axencia Española de Supervisión de Intelixencia Artificial (Aesia), entre eles de face á creación dun padroado.