InicioCULTURACando o alumnado coruñés aprende a amar os barrios da cidade grazas...

Cando o alumnado coruñés aprende a amar os barrios da cidade grazas ao cinema

Publicada o

Por editor

Invasión da rapazada nos cinemas coruñeses. E todo, por unha causa fermosa. A causa que a cineasta Olga Osorio quixo reflectir na película Salta!, na que grandes e pequenos poden recoñecer as rúas, as prazas e parques e mesmo a xente do presente e do pasado.

O filme  Salta! foi rodado na Coruña e en Culleredo. O Orzán ou a Cidade Vella da cidade herculina quedan marabillosamente reflectidas, aínda que son, principalmente, os exteriores do Barrio das Flores o espazo no que se desenvolve a trama.

E por iso, este venres 15 de mañanciña saíron do CEIP Ramón de la Sagra ata 6 buses co alumnado de Primaria para ver xuntos esta emotiva película. Case 300 nenos e nenas dun dos barrios onde se gravou a maior parte deste filme, o emblemático barrio das Flores da cidade Herculina.

Moita da rapazada que alí estuda vive nese barrio. Precisamente, dende hai 3 anos, o centro público Ramón de la Sagra, está inmerso nun proxecto educativo de renaturalización do patio en chave urbana, que corre en paralelo á renovación do barrio no que viven moitas das familias da comunidade educativa, todo elo da man de Fermín Blanco co programa de arquitectura pedagógica “Mestra de obra”.

O alumnado estivo moi atento e emocionado durante a visualización do filme recoñecendo ubicacións, casas propias e de familiares que ían comentando entre eles e elas cheos de ilusión. Nos vindeiros días a propia Olga Osorio visitará o CEIP para poder intercambiar todo tipo impresións coa rapazada.

ÚLTIMAS

Ferido grave un mozo de 18 anos tras ser atropelado por un coche no paseo marítimo

Un mozo de 18 anos resultou ferido grave na Coruña tras ser atropelado por...

Centos de persoas protestan contra Vito Quiles na Coruña: amplo despregamento policial e berros contra o fascismo

Varios centos de persoas secundaron unha protesta na Coruña contra o "fascismo" ante a...

A Fiscalia investigará as ameazas de bomba en colexios da Coruña

A Fiscalía Provincial da Coruña abriu de oficio dilixencias de investigación tras os falsos...

A Coruña, á cabeza dos gases invernadoiro en Galicia, segundo o Observatorio Galega dá Acción Climática

A Coruña é a provincia que lidera a emisión de gases de efecto invernadoiro...

DEIXAR UN COMENTARIO

Please enter your comment!
Please enter your name here