Xosé Antonio Touriñán e David Perdomo protagonizarán en decembro na Coruña o espectáculo ‘Corentena’, que chegará ao Teatro Colón os días 8 e 9 e para o que as entradas xa están á venda, segundo informa o consistorio.
Os dous cómicos levan aos escenarios o formato que idearon no primeiro ano da crise sanitaria do covid-19 cando crearon directos humorísticos a través de instagram para animar ao público durante o confinamento.
Por outra banda, Melendi esgotou en en menos de dúas horas as entradas para o seu concerto do 4 de novembro no Coliseum da Coruña, tras porse á venda este luns.
Segundo o acordado entre o concello e a promotora do artista, activarase unha segunda data, o 3 de novembro, tamén no Coliseum. As entradas estarán dispoñibles a partir do martes, 19 de setembro.
