InicioDEPORTESENKI: 10 anos correndo por un mundo imperfecto

ENKI: 10 anos correndo por un mundo imperfecto

Publicada o

Por editor

Co lema “10 anos correndo por un mundo inclusivo, son só o comezo”, a Fundación Enki presentou, esta mañá de martes 19 de setembro, a X edición para este ano da súa carreira de obstáculos inclusiva.

O evento deportivo, que se celebra o 21 de outubro na Coruña, xa vendeu máis de 6.500 dorsais que se poden adquirir tanto online (na web de ENKI) como presencialmente en El Corte Inglés. Agardan superar os 10.000 corredores do pasado, ata agora a mellor marca.

A entidade destinará a totalidade dos seus ingresos á adquisición de material deportivo adaptado e á realización de actividades lúdicas e deportivas para entidades sociais.

O presidente de ENKI amosou a satisfacción de que un proxecto que comezou hai 10 anos como algo “entre compañeiros” se consolide como unha cita no calendario de moitas familias que non pode faltar. “ENKI busca visibilizar que o lecer e o deporte son para todas as persoas, independentemente da súa condición física ou psíquica”, destacou, “e comprobar que xa non somos só o equipo ENKI senón que milleiros de persoas se unen a nós, é a nosa maior motivación”.

“Aínda queda moito por facer, pero iniciativas como esta carreira ENKI son moi necesarias para conseguir esta inclusión real”, sinalou a alcaldesa.

 

Presentacion Carreira Enki 2023
Foto de familia

10 anos correndo por un mundo inclusivo son só o comezo


Despois de visionar o vídeo da campaña deste ano da carreira ENKI 2023, no que a entidade reflectiu todas as actividades que fai a entidade: adestramento e competición deportiva adaptada, campamentos inclusivos, préstamo de material adaptado, formación e investigación, lecer inclusivo, sensibilización en centros educativos, iniciación deportiva para persoas con diversidade funcional e accesibilidade en parques infantís…

 

Máis novas

Runki, a festa deportiva que visibiliza a diversidade funcional

ÚLTIMAS

A nova licitación do Master Plan da Fachada Marítima: un golpe ou unha oportunidade

Anunciábase onte que o Tribunal Administrativo Central de Recursos Contractuais vén de obrigar a...

A Consellería négase a desdobrar dúas aulas masificadas nos CEIP María Barbeito e Cerviño e CEIP Alborada

A CIG denuncia ratios “disparatadas” en diferentes centros de ensino da comarca da...

Máis de 35.000 cartas sen repartir: A “insostible” situación de Correos na Coruña

Non calma a situación nas oficinas de Correos da cidade. Despois de meses de...

Monte Alto sae de festas Diplomáticas

Albíscase unha potente fin de semana por Monte Alto. O sábado 20 e o...

DEIXAR UN COMENTARIO

Please enter your comment!
Please enter your name here