O colectivo A Por Todas (APT), formado por enfermeiras de distintas áreas de Galicia, concentraranse este martes, ás 13:00h diante da rotonda do CHUAC (ademais de ante os hospitais de Lugo, Monforte de Lemos, Santiago de Compostela e Pontevedra) como protesta contra unhas condicións laborais que “se deterioran progresivamente”.
Unhas demandas apoiadas polo Colexio de Enfermaría dA Coruña, que despois de moito tempo sen manifestarse públicamente, lembra a necesidade de tomar unha serie de medidas urxentes para dignificar a profesión.
- Mellora das ratios enfermeira-doente.
- Mellora da contratación, a estabilidade e a transparencia.
- Recuperación do 100 % da paga extra.
- Recuperación dos 3 LDs.
- Recoñecemento do solape de xornada.
- Retribución do plus de festivo os sábados (M-T).
- Retribución xusta e igualitaria das horas fóra de xornada ordinaria.
- Encadre da carreira profesional, incluíndo a experiencia laboral da UE.
- Exención de noites voluntarias a partir dos 55 anos, sen perda retributiva nin aumento da xornada ordinaria.
- Xubilación anticipada aos 60 anos.
O Colexio de Enfermaría fai súas estas demandas e ademais destaca outras tres polas que esta organización colexial leva traballando desde hai anos, e que xa trasladou tanto ao Sergas como ao Ministerio de Sanidade:
- Recoñecemento do grupo A dentro da clasificación profesional da administración pública. O Goberno debe poñer en marcha de forma inmediata os cambios normativos que poñan fin a unha inxusta, lesiva e denigrante situación. As enfermeiras deben estar incluidas nun único Grupo A, sen subgrupos.
- Integración profesional das enfermeiras especialistas nas correspondentes categorías.
- Facilitar o acceso das enfermeiras aos cargos de xestión e responsabilidade.
