O delegado do Goberno en Galicia, Pedro Blanco, visitou a sede coruñesa do Museo Nacional de Ciencia e Tecnoloxía (Muncyt) e remarcou o valor á contribución do museo á divulgación científica en Galicia, con máis de 55.000 visitas anuais, das cales o 40% corresponden a centros escolares de toda a comunidade.
Así, Blanco cualificou o museo como “un excelente escaparate para a ciencia española”, ademais dunha “magnífica ferramenta didáctica” para promover o coñecemento científico e tecnolóxico na sociedade.
Xunto coas 600 pezas que se expoñen na sede coruñesa o delegado fixo referencia a outras actividades complementarias ás exposicións, todas elas gratuítas, como conferencias, actividades lúdico-científicas, talleres didácticos, a colaboración na formación do profesorado de ciencias, e publicación de catálogos e obras de divulgación, entre outras.
