Os próximos días 4, 5 e 6 de outubro A Coruña converterase en sede da enxeñaría e arquitectura hospitalaria a nivel nacional coa celebración do 40 Seminario de Enxeñaría Hospitalaria.

“Un espazo no que se dará a coñecer o labor científico da Asociación que reúne a profesionais en diversas disciplinas ligadas á Sanidade e empresas do sector, fomentando tamén o intercambio de experiencias e coñecementos do mundo hospitalario“, indica a organización.

Do encontro, afirma que disporá dun programa científico/técnico que abordará temas como a economía azul, a enxeñaría biomédica, intelixencia artificial, arquitectura sanitaria e xestión dos recursos humanos na enxeñaría, entre outras cuestións.

O mesmo reunirá na cidade herculina a case mil congresistas e máis de 130 empresas patrocinadoras, que terán unha exposición comercial dun centenar de casetas.