InicioECONOMÍAA Xunta delega no Estado o pago de axudas a mariscadoras da...

A Xunta delega no Estado o pago de axudas a mariscadoras da ría do Burgo cando conclúan as obras

Publicada o

Por europapress

A directora xeral de Desenvolvemento Pesqueiro, Susana Rodríguez, delegou no Estado o pago de axudas a mariscadoras e mariscadores da ría do Burgo cando conclúan as obras de dragado.

“Axudamos o que podemos pero quen fai a obra será quen se ten que encargar“, sentenciou en referencia aos acordos do estudo de impacto ambiental e en resposta, na Comisión de Pesca do Parlamento galego, a unha pregunta do BNG sobre a situación deste colectivo unha vez que acaben as obras e mentres os bivalvos que se sementan non alcancen a talla para a súa venda.

En concreto, a parlamentaria nacionalista Mercedes Queixas asegurou que a capacidade extractiva non está “garantida”, unha vez conclúan os traballos, e reclamou un compromiso por parte da Xunta en materia de compensacións económicas.

A directora xeral asegurou que “terán que cumprir o que está escrito”, en resposta aos compromisos estatais desde que se finalice a obra e mentres o bivalvo non teña o tamaño comercial.E, aínda que admitiu que decembro non é “o mellor mes” para a resiembra, asegurou que é mellor facelo que non levalo a cabo.

Pola súa banda, Mercedes Queixas instou á Xunta a “velar” para que se amplíen as compensacións. “Non chegan para que teñan o tamaño mínimo para a súa comercialización”, insistiu a deputada do BNG sobre o prazo para que o produto obtido poida venderse. Ademais, denunciou ausencia de concreción por parte da Xunta.

“Desde a sementeira pasase un tempo para recuperar a capacidade produtiva, para que volvan ter ingresos — os mariscadores e as mariscadoras–, as incertezas volven estar aí”, expuxo.

ÚLTIMAS

Olladas doutro tempo: Peixeiras no muro

Coruña existe polo seu porto. Éste inflúe ó longo da Historia sobre o desenrolo...

O Goberno corrixirá os topónimos deturpados da Coruña dun documento tras denuncialo o BNG

O Goberno central corrixirá os topónimos deturpados da Coruña (e Ourense) dun documento cun...

Volve a icónica camiseta verde do Súper Dépor, xa á venda

A empresa láctea Feiraco (integrada na Cooperativa Rural Galega CLUN, a maior cooperativa leiteira de Galicia, con...

A granxa coruñesa Landeira Sociedade cooperativa Galega, terceira mellor a nivel nacional pola calidade xenética dos seus animais

Tres granxas galegas (unha na provincia da Coruña e dúas na de Pontevedra) atópanse...