A Policía Nacional busca a un home que agrediu con arma branca á empregada dunha froitería na Coruña, segundo informaron fontes policiais.

Os feitos producíronse na tarde do luns, ao redor das 18.00 horas, no barrio da Sagrada Familia, na rúa Pontedeume, no momento en que ía abrir o negocio.

Os mesmos producíronse durante un atraco, segundo as fontes policiais. O home, que portaba unha arma branca, “asestoulle varios cortes” á vítima en distintas zonas do corpo.

Ao lugar desprazáronse varias unidades policiais, ademais dos servizos de emerxencia para prestar asistencia médica á muller. A investigación segue aberta á espera de localizar ao autor dos feitos.

A muller ferida xa foi dada de alta no Complexo Hospitalario Universitario da Coruña (Chuac), segundo informaron fontes hospitalarias. En concreto, sufriu “feridas superficiais”.

Desde o 061 explicaron que enviaron unha ambulancia de soporte vital básico e que se trasladou á muller, de 50 anos, ao Chuac.