A néboa obrigou a desviar tres voos que tiñan previsto aterrar na mañá deste venres no aeroporto de Alvedro, na Coruña, e que tomaron terra finalmente no de Lavacolla.

O tres voos desviados, das compañías Vueling e Iberia, procedían de Barcelona, Madrid e Londres; e foron desviados ao aeroporto compostelán ante a falta de condicións de visibilidade na Coruña.

A evolución das condicións ao longo da mañá marcará a posibilidade de que se renove a actividade en Alvedro, segundo trasladaron fontes de Aena a Europa Press.