A Policía Local de Narón detectou a unha persoa que circulaba de forma neglixente e, ao ver a presenza policial, emprendeu a súa fuxida que o levou a chocar contra unha vivenda.

Segundo informaron fontes policiais, os feitos sucederon á unha da madrugada deste domingo cando os axentes se atopaban patrullando pola avenida Santa Cecilia.

Así, tras darlle o alto practicáronlle as probas de alcoholemia nas que arroxou un resultado positivo de 0,70 miligramos de alcol por litro de aire expirado.

Con todo, os dous integrantes do vehículo non resultaron feridos e os axentes instruíron as correspondentes dilixencias.