Tod@s temos sufrido durante a nosa adolescencia ese medo ante un entorno descoñecido, esa falta de convencimento e autoconfianza despois dunha mala nota, eses nervios antes da primeira entrevista de traballo, esas gañas de deixalo todo… Pero a pesar da importancia da educación emocional, non é algo presente na escola nin nos institutos.

Para paliar esas carencias, e axudar a esas mozas e mozos con inquedanzas, con medos, existe na cidade o proxecto La Akademia Coruña. Unha iniciativa, creada no seu día polo comunicador catalán Borja Vilaseca para achegar á psicoloxía á rúa, ao barrio, que xa está presente en 7 países, con 50 sedes en España, e que tamén ten o seu grupo de profesionais involucrados na cidade herculina.

Trátase dun grupo de profesionais que ofrecen acompañamento a adolescentes de forma gratuita (só teñen que anotarse en laakademiacoruna@gmail.com ou no IG @laakademiacoruna), un acompañamento de crecimento persoal, de autocoñecemento, algo pouco habitual na nosa sociedade.

As voluntarias ofrecen as súas horas en clave de irmá consciente, como unha persoa que te escoita un tempo cada semana para intentar botarche algo de axuda, ofrecerche un consello útil, ou simplemente escoitarche.

Tratan de axudar á mocidade a coñecerse mellor, a desenvolver o seu talento, a desbloquear a capacidade social e de liderazo, ou a descubrir a súa vocación.
@s usuari@s non teñen por que ser rapaces ou rapaces que chegan de familias desestruturadas. Mais ben adoitan xente normal que nun momento da súa vida poden ter un momento de crise vital, e acaban acudindo a estes espazos.

O proxecto, no que tamén colaboran varios centros para que diferentes profes dean os seus talleres de crecimento persoal, dende ioga, autocoñecemento… busca darse a coñecer para chegar a rapaces e rapazas que queiran aproveitar esta axuda.

Un taller semanal ata xuño

A día de hoxe teñen aberto, ata este 20 de outubro, o prazo de inscrición para participar nun taller semanal de 4 horas que se desenvolverán nun taller da cidade e para o que te podes inscribir en laakademiacoruna@gmail.com.