Vén de anunciar o Concello da Coruña os premios do Concurso de Escaparates de Samaín. E o primeiro premio recae na tenda de moda Nina Sardina, situada en Monte Alto (Rúa Marconi, 4) .
”Unha sorpresa que non veas”, recoñece Lucía, a responsable da tenda. “Fixémolo todo sen recursos, co que había, cunhas capas e intentando lanzar historias que nos conten cousas. Por iso quixen centralo na Santa Compaña, máis que Haloween”, apunta.
Destacou o ambientazo que houbo na tarde noite do 31 de outubro e reiteirou as continuas peticións ao Concello de ter que pechar o tráfico tanto na Avenida de Hércules como na Rúa da Torre.
Máis premios
A campaña de promoción do comercio local (a verdade que o truco ou trato é unha fenomenal maneira de dar a coñecer os pequenos establecimentos entre as familas), outorga 6.500 euros, dividos entre os cinco comercios premiados. Se Nina Sardina leva 2.500€, o resto de premios son para O Recuncho Floral (Vila de Negreirac on Entrepeñas) que leva 1.500€; Luces de Bohemia (Ángel Senra, 20, Os Mallos), que leva 1.000; a froitaría Candela (Avenida do Ferrocarril, 13) e La Rueca Patchwork (Ensanche), que levan 750 cada un.
Máis novas
