A Coruña inicia a celebración da Semana da Ciencia co acceso gratuíto ao tres museos científicos da cidade herculina desde o vindeiro sábado, día 11, ata o domingo 19 de novembro.

Segundo informa o Concello, para visitar o Aquarium Finisterrae é “imprescindible” realizar unha reserva previa que debe tramitarse “cun máximo de tres días de antelación” a través da páxina dos museos científicos; excepto os maiores de 65 anos, que poderán acceder sen billete e acompañados doutra persoa se o precisan.

Respecto da Casa das Ciencias e a Domus, engade, o acceso será libre e sen necesidade de reserva previa. No caso das sesións do planetario, os usuarios deben retirar unha invitación, as cales se repartirá media hora antes de cada sesión.

No marco da Semana da Ciencia tamén terá lugar a cerimonia de entrega dos XXXVI Prismas Casa das Ciencias á Divulgación Científica, que se celebrará no Salón de Plenos do Palacio de María Pita o sábado 18 de novembro, sinala o consistorio.