Esta mañá de mércores 8 de novembro tivo lugar nas rúas da cidade a terceira xornada de folga e de manifestación das traballadoras das escolas infantís privadas e de xestión indirecta. Realmente só puideron asistir as segundas, as das escoliñas municipais, unha vez que os servizos mínimos postos pola Xunta de Galicia para as privadas son absolutamente abusivos, obrigando a manter unha docente por aula, coma se se nesta etapa houbese moitos apoios.
Si recuou o Concello da Coruña, que implatara unhas medidas semellantes nas primeiras folgas, despois de que na manifestación de hai 15 días as traballadoras chegasen ata María Pita.
As traballadoras das escolas infantís de novo en folga por un convenio digno.
Hoxe mobilización dende a praza de Pontevedra ao Obelisco. pic.twitter.com/P2BsPO1Uib— Xornal da Coruña (@xornaldacoruna) November 8, 2023
As mestras do ensino das nosas crianzas no primeiro ciclo de Educación Infantil (etapa 0-3 anos), saíron esta mañá da Praza de Pontevedra e chegaron ao Obelisco, no marco das mobilizacións convocadas polos sindicatos CIG-Ensino, CCOO Ensino e SNEP tamén en Vigo e en Compostela, diante da patronal CEG.
As docentes teñen claro que a sociedade ten que comezar a valora, como merecen, a súa profesión. Así, reinvidican “a relevancia e recoñecemento da profesión. Non somos garderías, somos escolas”, sinalan. “O noso valor máis moito máis alá de ter os nenos e as nenas limpas, mantidos e entretidos ou vixiados. A principal finalidade da nosa actividade é potenciar as súas capacidades para que o seu progreso psicomotriz, afectivo, intelectual e social alcance o avance máis amplo posible e os prepare para as vindeiras etapas”.
”Por iso reivindicamos a dimensión educativa da nosa profesión e a inclusión desra etapa no ámbito educativo” obrigatorio. “Nós non gardamos, nós educamos”, lembran con rotundidade.
En materia laboral, demandan o “bloqueo da patronal á negociación do XIII convenio colectivo”, ademais de lembrar o seu rotundo rexeitamento á última proposta “miserenta e involutiva” presentada polo empresariado na reunión que tivo lugar o 2 de novembro, e que foi rexeitada por todas as organizacións sindicais..
Porque a realidade é que a día de hxoe os seus soldos apenas superan o Soldo Mínimo Interprofesional, tendo vixente “o convenio máis precarios dos todos os convenios existentes a día de hoxe no ámbito da ensinanza”.
Piden ademais melloras sociais denunciando os problemas que teñen para conciliar as profesionais que máis revirten nas conciliación das familias.
Denuncian que teñen 38 horas de atención directa (sen tempo para preparar as clases), cando no resto de convenios hai un máximo de 27 horas directas.
Manifestación en Compostela
O 15 de novembro está convocada a cuarta xornada de folga e para ese día haberá manifestación nacional en Santiago de Compostela, que sairá da Alameda, pasará pola sede da CEG e rematará na Praza de Praterías.
