InicioSUCESOSInvestigados responsables de 27 despezamentos da Coruña por xestión irregular de gases...

Investigados responsables de 27 despezamentos da Coruña por xestión irregular de gases do aire acondicionado de coches

Publicada o

Por europapress

A Garda Civil investiga a 27 responsables doutros tantos centros de tratamento de coches da provincia da Coruña como supostos autores dun delito contra os recursos naturais e o medio ambiente pola xestión irregular dos gases fluorados procedentes do aire acondicionado dos vehículos.

Segundo informaron fontes da Comandancia, efectivos do Seprona realizaron desde o pasado mes de marzo inspección en 28 centros, nun operativo bautizado como Operación Weezing dos que 27 presentaban irregularidades.

Este tipo de gases deben ser recuperados e acumulados nunhas bombonas específicas para a súa almacenaxe, dando conta da súa xestión a través dunha memoria ambiental á autoridade competente en materia de residuos en Galicia. Así, debe quedar rexistrada tanto a cantidade recuperada como o destino que se dá aos gases, que están clasificados como residuos perigosos.

A Garda Civil solicitou información da Subdirección Xeral de Residuos da Consellería de Medio Ambiente, que é onde os despezamentos deben presentar as súas declaracións anuais de residuos perigosos recuperados dos vehículos ao final da súa vida útil. Así mesmo, tamén se solicitou información da Xefatura Provincial de Tráfico, onde se debe comunicar a cantidade de vehículos descontaminados nas súas instalacións.

Con eses datos, os expertos da Garda Civil elaboraron os correspondentes informes periciais e concluíron que eses 27 despezamentos incorreran na xestión irregular dese tipo de gases, e que poderían emitir deliberadamente á atmosfera 26,2 toneladas de CO2 (a liberación deses gases fluorados está prohibido na UE polo seu alto potencial de quecemento global).

ÚLTIMAS

Aberta a Casa dos Xoguetes para fomentar a economía circular por Nadal

Non hai outra época tan consumista como o Nadal. Para intentar calmar conciencias, para...

Prendidas 3 millóns de luces do nadal coruñés

Pablo, Etienne, Hugo e Lorena foron os encargados este ano de prender os máis...

Concello da Coruña e Xunta apelan á fortaleza do audiovisual na XVII edición de ‘Ideas para Producir’

O Concello da Coruña e a Xunta apelaron á fortaleza do audiovisual galego na...

Miranda (BNG) afirma que o final das obras de dragado da ría do Burgo será cando se volva a mariscar

A eurodeputada do BNG Ana Miranda asegurou que o final das obras de dragado...