Cada martes e mércores, de 17:30h a 21:00h, unha marea de amantes das dúas rodas achéganse ao edificio do antigo Padre Rubinos coas súas bicis. A Asociación Mobi-Liza consegue manter vivo o taller social de bicis máis incrible da cidade. Vari@s voluntari@s axudan ás máis de 50 persoas, de todo o planeta, que cada semana levan os seus vehículos a arranxar ao taller situado nos baixos do edificio do antigo Padre Rubinos.
Hai quen coñece o Reciclos dende os seus comezos, no soto da libraría Própolis, do activo cura roxo Nicanor Acosta, e pasa cada certo tempo a poñer a punto as súas máquinas. Outros, recén chegados, buscan un cadro vello, pero molón, e se formulan, coa axuda dos mecánic@s voluntari@s, crear a súa propia bici.
O caso é ofrecer unha espazo dende o que se fomente o uso da bici como un verdadeiro vehículo, creando esa cultura da bici que tanta falta fai na cidade, e no que tanto ten mellorado nas dúas últimas décadas.
Moi fans do Taller #Reciclos, o paraíso para os amantes das bicis que se mantén no edificiod do antigo Padre Rubínos grazas á xente de @liza_mobi 🚲 pic.twitter.com/eXDIYw8awM
— Xornal da Coruña (@xornaldacoruna) November 14, 2023
Temos falado tamén da súa máis que necesaria Escola da Bici, que axuda a perder o medo a mergullarse na selva do tráfico herculino.
Máis novas
O Taller Reciclos, o paraíso social para os amantes das dúas rodas
A Escola da Bici de Mobiliza ou como perder o medo a circular pola cidade
