En marcha a XIX edición do certame de tapas Picadillo, que se desenvolverá na cidade entre o venres 24 de novembro e o domingo 3 de decembro.

A presentación serviu para lembrar que o próximo ano 2024 cúmprense 150 anos do
nacemento de Picadillo (Manuel María Puga y Parga), a referencia co seu receitario que dá nome ao certame.

Nesta edición participarán un total de 49 establecementos, nos que haberá dispoñibles 55
tapas, das que 23 forman parte da categoría Creativas e 32 do Recetario Picadillo. Os prezos das propostas será de 2 a 4 euros.

Haberá premio escollido por un xurado profesional, pero tamén público xeral poderá votar as súas tapas favoritas a través dos códigos QR que estarán dispoñibles nos establecementos participantes. A tapa que obteña a mellor puntuación recibirá o Premio Picadillo Cidade da Coruña, dotado con 500 euros e un diploma acreditativo.

Toda a información sobre os negocios participantes, as tapas e as rutas suxeridas atópase
na páxina web www.tapaspicadillo.es, onde tamén se pode descargar o tríptico que se
atopará nos locais, na oficina de Turismo da Coruña, nos centros cívicos, nas bibliotecas
municipais e en hoteis da cidade.