InicioCULTURANa procura dun mausoleo para a tumba perdida de Manuel Murguía

Na procura dun mausoleo para a tumba perdida de Manuel Murguía

Publicada o

Por editor
1º de febreiro de 1923 falecía Manuel Martínez Murguía, unha figura clave do
rexurdimento na reconstrución da identidade de Galicia. Sobre os seus traballos de
investigación histórica e propostas para o autogoberno edificouse o pensamento político
de Galicia que outros do seu tempo e posteriores haberían completar.
Por iso, a Asociación de Funcionarios para a Normalización Lingüística no marco das actividades anuais que desenvolve arredor da convocatoria do Día da Restauración da Memoria Lingüística solicitou do Concello da Coruña, Deputación Provincial da Coruña e Xunta de Galicia que, co gallo do centenario do pasamento do fundador do pensamento
galeguista, que terá lugar o vindeiro día 23 de febreiro de 2023, se constrúa sobre a
tumba de Manuel Murguía “un mausoleo digno e acorde coa figura senlleira que alí xace“.
Máis dun cento de xuristas, empresarios, xornalistas, funcionarios, avogados ou maxistrados, entre outros, asinan esta petición que para esta asociación supopón “un exercicio modélico de restauración da memoria  lingüística“. Actualmente, a súa campa no Cemiterio de San Amaro da Coruña, cunha fasquía descoidada, identifícase cunha simple cruz de mármore e unha inscrición en castelán que lle puxeron os seus fillos.
A poucos metros dese sartego levántanse varios mausoleos de arquitectura solemne, entre eles o de don Manuel Lugrís Freire, que fora tamén presidente da Real Academia Galega. Precisamente, Murguía foi inspirador da creación da Real Academia Galega e, unha vez constituída, presidíuna durante varios anos.
“Dí o dicionario que restaurar é poñer unha cousa no estado ou estimación que tiña antes. Ese foi o gran labor de Murguía: devolverlle a Galicia a identidade que fora perdendo polos avatares da historia. Grazas a súa teimosía, a súa muller, Rosalía de Castro, converteuse en mito que encarna as esencias identitarias da nación galega”, apunta o impulsor da proposta, o lingüista Xosé González.
Acutalmente, o Concello da Coruña é o dono da tumba de Murguía por doazón testamentaria que ao seu favor realizou Gala, a única filla que sobreviviu.

ÚLTIMAS

O Ministerio sinala que a universidade privada que planea Cesuga ten o seu “informe desfavorable” e que decide a Xunta

O Ministerio de Educación sostén que a comisión delegada do Consello Xeral de Política Universitaria (CGPU) emitiu en...

O Corufest 2025 entrega o recoñecemento Samuel Luiz ao colectivo LGTBIQ+ Alas Coruña

O Corufest 2025, festival de artes escénicas pola diversidade afectivo sexual, entregou este venres...

Traballadoras das tendas de Inditex deron a “benvida” a Marta Ortega á tenda de Juan Florez

Coincidindo coa visita de Marta Ortega á conmemoración da apertura da primeira tenda de...

O “evento cidadán” da Comisión Coruña Marítima búrlase do significado de participación cidadá

Celebrouse esta mañá de venres 9 de maio, ás 9:30h no Espazo Avenida de...