InicioCULLEREDOContas advirte de "abuso" da contratación menor e da adxudicación directa en...

Contas advirte de “abuso” da contratación menor e da adxudicación directa en Culleredo

Publicada o

Por editor

Un informe especial realizado polo Consello de Contas, por mor de denuncias, propiciou un estudo en cinco municipios galegos que ratifica a existencia de “anomalías” na xestión do día a día xa detectadas noutras análises do órgano fiscalizador no ámbito municipal e que van do “abuso” das adxudicacións a dedo ás resolucións contrarias aos reparos de Intervención.

Este primeiro informe especial de comunicacións foi publicado na web de Contas e o Diario Oficial de Galicia (DOG) faise eco este martes da súa difusión. Na lupa estiveron os concellos pontevedreses de Cangas e Ponteareas; os coruñeses de Mugardos e Culleredo; e o ourensán de Xunqueira de Ambía.

COMUNICACIÓN DE FISCALÍA SOBRE CULLEREDO

No caso de Culleredo, Contas explica que se realiza un informe sobre posibles irregularidades á vista dos reparos formulados a facturas relativas a servizos públicos de carácter periódico e previsible, adxudicados mediante contratación verbal ou contratos menores. Esta fiscalización ten a súa orixe nunha denuncia remitida a Contas polo fiscal xefe da Audiencia Provincial da Coruña en 2019.

Respecto diso, o ente fai constar que as contas dos anos 2016 e 2018 rendéronse sen defectos, aínda que a de 2019 presentouse con “defectos graves”, que fontes do Concello atribúen a unha única fundación que non ten xa actividade, xa que a conta xeral da entidad local non contén a conta anual da Fundación de Desenvolvemento Local de Culleredo (Fundescu).

Contas subliña que en 2019 comprobouse “unha tendencia alcista” do informe do gasto reparado pola Intervención en relación aos anos 2017 e 2019, que precisamente son os comunicados na denuncia. A maioría concentráronse en materia de contratación pública.

O importe de contratos públicos adxudicados e formalizados no exercicio de 2019 foi de 1,5 millóns mediante 22 contratos maiores e de 261.583 mediante 71 contratos menores, fronte a un gasto en materia de contratación pública reparado e suxeito a acordos contrarios a reparos que se aproxima aos 10 millóns.

En 2019, engade Contas, advírtese “un abuso” da contratación menor e da adxudicación directa sen procedemento de contratación, o que “acrecenta o risco de supostos fraccionamentos de gasto, superación de límites, e elusión dos principios de libre concorrencia, transparencia e integridade”.

RESPOSTA DO CONCELLO

Pola súa banda, o Concello de Culleredo destacou en resposta a Xornal da Coruña que a Fiscalía arquivou as dilixencias de investigación penal e remitiu a documentación ao Consello de Contas para a súa auditoría. Neste sentido, suliña que “o Concello de Culleredo proporcionou toda a documentación ao detalle, tal e como reflicte o informe, para despexar calquera tipo de dúbida” e a “colaboración prestada foi total, creouse unha comisión de traballo e atendéronse os requirimentos realizados desde o Consello de Contas”.

Ademais, indica que o informe nas súas conclusións xa destaca que é a “escaseza de recursos humanos o que dificulta o traballo na área de Contratación”. Suliña que o Concello ten avanzada a tramitación dos de mantemento de zonas verdes e xardíns, limpeza viaria e axuda a domicilio para a súa próxima contratación.

O Concello de Culleredo acepta e atenderá as indicacións do Consello de Contas para mellorar os seus procesos de contratación pública. O obxectivo é regularizar toda a situación, consecuencia da falta de persoal e da necesidade de non deixar de prestar os servizos, para conseguir procedementos con maior planificación e calidade”, conclúe.

ÚLTIMAS

(Vídeo) A outra Luísa Villalta: poesía, música e sensibilidade da man de Estíbaliz Espinosa

"Sempre é desandado o camiño”. O camiño que Luísa Villalta fixo e refixo, andivo...

O FEAE á innovación educativa, novo premio para a campaña “Aquí tamén se fala”

Segue colleitando premios, e espallando o poder da lingua galega, o proxecto "Aquí Tamén...

A resaca branquiazul

Celebrou a Coruña, por partida cuádruple, o ansiado ascendo do Dépor á 2ª División....

Acampa pola Paz instalará un campo simulado de refuxiados e un memorial polos menores asasinados en Gaza na Coruña

Acampa pola Paz instalará na Coruña do 7 ao 9 de xuño un campo...

DEIXAR UN COMENTARIO

Please enter your comment!
Please enter your name here