InicioSOCIEDADEGran baixada de casos Covid na Coruña

Gran baixada de casos Covid na Coruña

Publicada o

Por editor

Os casos activos de coronavirus volveron a caer en Galicia este luns e sitúanse en 600, 41 menos que os do último parte, mentres que os hospitalizados experimentaron un repunte, ata 116 (+14). Nas últimas 24 horas detectáronse 23 positivos. Con todo, a área da Coruña é a que maior descenso de casos rexistrou.

Así o recolle o último boletín publicado pola Consellería de Sanidade e que inclúe os datos da pandemia en Galicia recollidos ata as 18,00 horas do domingo. O anterior boletín facía referencia á tarde do venres, xa que non se actualiza os fins de semana.

Ademais, Sanidade informou de dous novos falecidos con coronavirus: trátase dun home de 99 anos da área sanitaria de Ourense e dunha muller de 91 da área de Santiago. O número total de mortes sitúase nas 4.062.

A maioría das áreas sanitarias galegas experimentaron unha caída no número de casos activos con respecto ao venres, excepto dous: Ferrol e Santiago, na que os enfermos soben en 1.

De feito, Santiago sitúase como a área con máis casos activos, 120, tras a importante caída da Coruña, onde agora hai 113. Así mesmo, en Lugo hai 86 casos activos, 78 en Vigo, 74 en Ourense, 58 en Pontevedra e 51 en Ferrol. En canto aos hospitalizados, mantéñense en Ourense, con 13, e baixan en Pontevedra, ata os 15. O resto de áreas experimentan repuntes: 35 pacientes ingresados na Coruña, 17 en Lugo, 17 en Vigo, 12 en Santiago e 7 en Ferrol.

ÚLTIMAS

Monte Alto pediu máis intermodalidade e frecuencias no servizo de transporte urbano

Monte Alto acolleu esta tarde un novo, o cuarto de 11, encontro participativo sobre...

Os espazos singulares, protagonistas do RESIS Festival

Arrincou a VIII edición do festival RESIS, referente nacional da música contemporánea, que ten...

A Xunta calma a polémica e asegura esperar ao informe técnico para declarar A Coruña como mercado tensionado

Facíamos onte un repaso ás leas partidistas entre goberno local (PSOE) e Xunta (PP)...

Conformidade da Xunta ao proxecto do novo centro de saúde de Santa Lucía

A Xunta, a través do Sergas, trasladou ao Concello da Coruña a súa conformidade...

DEIXAR UN COMENTARIO

Please enter your comment!
Please enter your name here