InicioCULTURARapa e O corpo aberto, protagonistas entre os finalistas dos XXI Mestre...

Rapa e O corpo aberto, protagonistas entre os finalistas dos XXI Mestre Mateo

Publicada o

Por editor

Xa temos proxectos e profesionais finalistas da XXI edición dos Premios Mestre Mateo, desde o museo MEGA Estrella Galicia.

Rapa sitúase como a produción máis votada entre as 194 que se presentaron aos XXI Premios Mestre Mateo, con 19 candidaturas finalistas, seguida por O corpo aberto, con 16, Código Emperador, con 8 e Unicorn Wars, con 6.

Entre todos os profesionais finalistas da presente edición hai dous que contan con tres candidaturas: Alberto Vázquez, polo seu traballo en dirección, guión e dirección de arte de Unicorn Wars e Jorge Coira, finalista pola montaxe de Rapa e pola dirección de Código Emperador e Rapa.

FINALISTAS

O corpo aberto é finalista a Mellor longametraxe xunto con Código Emperador, Live is Life e O home e o can.
Despois de oito edicións sen presenza de longametraxes de animación, este ano hai dous filmes que competirán polo premio nesta categoría: Valentina e Unicorn Wars.
As finalistas a Mellor documental son A foreign song, María Casares. A muller que viviu mil vidas, No somos nada e Onde máis doe.

As candidatas a ser recoñecidas como Mellor serie de TV son dúas producións emitidas por TVG, A lei de Santos e Saudade de ti; e outras dúas emitidas por plataformas de streaming: Operación Marea Negra, de Amazon Prime Video e Rapa, de Movistar +.

Na categoría de Mellor serie web compiten Delicias amargas, Historias vageniales, Prigandas e Terapia de.

Na categoría de Mellor comunicador as académicas e académicos quixeron recoñecer o traballo de Esther Estévez, Simone Saibene, Xose A. Touriñán e Mario Brión Toucedo.
No caso dos tres primeiros, tamén foron recoñecidos os programas polos que compiten na categoría de Mellor programa: Dígocho Eu, Cinephilia e Catro Gatos, ademais de Clac. Na categoría de Mellor realización son finalistas Rubén Veiga (Malo Será!), Simón Casal de Miguel (Artificial Justice), Simone Saibene (Cinephilia) e Jairo Iglesias (Catro Gatos).

As candidatas a Mellor videoclip son A quincena do Apóstol de Boyanka Kostova, Cobiza de A banda da loba, Noa de Guadi Galego e Pano Corado de Tanxugueiras.

As premiadas e premiados daranse a coñecer na gala de entrega de premios que se celebrará o sábado 11 de marzo no Auditorio Municipal de Ourense.

ÚLTIMAS

A Fundación Érguete recibe o premio de Boas Prácticas da UNAD convertindo usuarios con adiccións en Axentes de Saúde

A Fundación Érguete-Integración vén de recibir o primeiro premio dentro do espazo de Boas...

Piden a revocación da DIA do Parque Eólico das Encrobas por “graves erros” na documentación

Coa mobilización do vindeiro 23 de abril xa no calendario, a comarca segue loitando...

  O vello asilo de anciáns reaparece na memoria da cidade

O edificio "Citania", propiedade de Vivienda Confort, na rúa Adelaida Muro, acadou nos últimos...

Incautados 235,60 Kg de ourizo

O Servizo Marítimo Provincial da Garda Civil da Coruña incautou 235,60 Kg de ourizos...

DEIXAR UN COMENTARIO

Please enter your comment!
Please enter your name here