InicioECONOMÍASabes o que subiu a vivenda en aluguer na Coruña o pasado...

Sabes o que subiu a vivenda en aluguer na Coruña o pasado ano?

Publicada o

Por editor

A burbulla das vivendas de aluguer non para de crecer. Galicia alcanzou en decembro de 2022 o prezo máximo histórico da Comunidade en vivendas de aluguer, chegando a estar o metro cadrado a 7,96 euros ao mes, segundo o Índice Inmobiliario Fotocasa, que ten rexistros desde o ano 2006. Uns datos moi semellantes aos rexistrados na provincia da Coruña.

Deste xeito, o estudo apunta que as catro provincias galegas chegaron a máximos nalgún momento durante o pasado ano. Así, Pontevedra alcanzou este punto en xuño con 9,79 euros o metro cadrado ao mes, aínda que pechou o exercicio a 8,98.

Nesta liña, Lugo e A Coruña tiveron os seus prezos máximo en xuño e agosto con 6,90 euros o metro cadrado ao mes e 7,85, respectivamente. Mentres, Ourense é a provincia máis barata situándose o seu prezo máis alto en novembro con 6,35 euros o metro cadrado ao mes. Así mesmo, as catro capitais de provincia chegaron a máximos históricos, situándose a cidade da Coruña como a máis cara co metro cadrado a 9,58 euros ao mes.

DATOS ESTATAIS

No conxunto estatal, un total de 13 comunidades autónomas alcanzaron o prezo máximo no aluguer. Así, o prezo do arrendamento alcanzou máximos en tres ocasions — maio, xuño e xullo — e pechou o exercicio cun prezo medio de 11,03 euros o metro cadrado ao mes.

A primeira comunidade que alcanzou máximos en 2022 foi A Rioxa, que o pasado mes de xuño alcanzou a súa marca con 8,40 euros o metro cadrado ao mes, e que terminou o ano con 7,88.

Deste xeito, Cantabria, Castela e León, Estremadura e Murcia alcanzaron o seu máximo en xullo, mentres que Asturias fíxoo en agosto. Navarra e o País Vasco chegaron á súa marca en novembro e en decembro foron Andalucía, Baleares, Canarias e a Comunidade Valenciana. Así, Cataluña, Madrid, Aragón e Castela-A Mancha son as únicas comunidades que non alcanzaron máximos históricos neste exercicio.

ÚLTIMAS

Olladas doutro tempo: Santa Lucía

A escalinata de Santa Lucía sube dende a avenida de Fernández Latorre ata a...

O proxecto “Aquí tamén se fala” leva un dos Premio Rosalía de Castro de Lingua

A escritora, sociolingüista, política e profesora Pilar García Negro; o movemento de renovación pedagóxica...

“La Flor de Jamón” xa ten o seu documental

Dende o ano 1962 “La Flor del Jamón” é unha das jamonerías máis miticas...

Mariscadores da ría do Burgo demandan a prórroga de axudas tras o dragado

Mariscadores da ría do Burgo protagonizaron este venres unha nova protesta para demandar a...

DEIXAR UN COMENTARIO

Please enter your comment!
Please enter your name here