InicioCULLEREDOA ANPA do Conservatorio do Burgo continúa a súa mobilización

A ANPA do Conservatorio do Burgo continúa a súa mobilización

Publicada o

Por editor

Tralas mobilizacións da semana pasada e a falta de resposta á problemática da falta de profesorado, as familias afectadas pola falta de profesores no Conservatorio de Música de Culleredo asistiron este domingo ao feirón de Culleredo coa súa pancarta reinvidativa.

A ANPA O Burgo do Conservatorio demanda “un compromiso real dos Grupos políticos” para asegurar a cobertura das baixas do profesorado, algo recorrente nos últimos anos. Lembran que “hai estudantes que levan meses sen clases de piano e que ao longo destes últimos cursos situacións semellantes foron padecidas polo alumnado de distintos instrumentos como frauta ou piano”.

Sinalan que “o goberno Municipal debe convocar un novo proceso selectivo con carácter urxente, e remetilo ao Servizo Público de Emprego.

”Estas demandas buscan protexer un servizo público de calidade, co que as familias están comprometidas, e que precisa dun respaldo sen fisuras de todos os grupos municipais”. E aseguran que “mentres non se chegue á unha solución eficaz, a ANPA seguirá concentrándose os mércores ás 17 horas, diante do Conservatorio, concentracións ás que convida ao conxunto da cidadanía”.

Posición municipal

Dende o Concello aseguran que informaron ás familias os trámites necesarios, e que a “o procedemento para cubrir a baixa dun profesor dun Conservatorio está regulado pola lexislación, tendo que recorrer ás listas de substitución”. Dende o Concello sinalan que “as listas están actualizadas xa que datan de maio de 2022, e os catro profesores que o integran non admiten substitucións, como lles corresponde, e a administración non pode obrigalas”.

ÚLTIMAS

A Fiscalía pide a máxima pena para os acusados polo crime de Samuel Luiz

A Fiscalía Provincial da Coruña, na súa Sección de Delitos de Odio e Discriminación,...

Pasea polo medio de Cambre cun machete de 45 centímetros de folla

AA Policía Local de Cambre denunciou a un mozo que paseaba pola contorna do...

Olladas doutro tempo: Panorámicas e Vidros

Os Castros sempre foi un mirador privilexiado, con certa altura e un ángulo grande...

O Muncyt recibe máis de 55.000 vistas anuais

O delegado do Goberno en Galicia, Pedro Blanco, visitou a sede coruñesa do Museo...

DEIXAR UN COMENTARIO

Please enter your comment!
Please enter your name here