InicioPOLÍTICAAs obras da DP-3104 en Liñares inclúen unha senda peonil de 1,8...

As obras da DP-3104 en Liñares inclúen unha senda peonil de 1,8 quilómetros

Publicada o

Por Carmen García

A Deputación da Coruña adxudicou por máis de 600.000 euros as obras de mellora da seguridade viaria da DP-3104 ao seu paso pola parroquia de Liñares, en Culleredo.

Tal como informou o ente provincial, trátase dunha actuación para renovar de forma “notable” as prestacións da vía, que conta con numerosas vivendas en ambas as marxes. Unha vez formalizado o contrato, ábrese un prazo dun mes para realizar o reformulo e iniciar os traballos, que comezarán en abril.

A intervención consistirá na creación dunha senda peonil de aproximadamente 1,8 quilómetros, que partirá da antiga igrexa de Santo Estevo de Tarrío e terminará na intersección da DP-3104 coa N-550 en Alvedro.

“Cumprimos o compromiso adquirido co alcalde e cos veciños de Liñares para mellorar a seguridade peonil nesta zona”, reivindicou o presidente da Deputación, Valentín González Formoso, que enmarcou a obra nos máis de 100 quilómetros de sendas, beirarrúas e travesías construídas pola entidade neste mandato.

Pola súa banda, o rexedor de Culleredo, José Ramón Rioboo, destacou que esta actuación suporá un incremento “notable” da seguridade viaria para os veciños nos seus desprazamentos cotiáns.

ÚLTIMAS

A Fundación Érguete recibe o premio de Boas Prácticas da UNAD convertindo usuarios con adiccións en Axentes de Saúde

A Fundación Érguete-Integración vén de recibir o primeiro premio dentro do espazo de Boas...

Piden a revocación da DIA do Parque Eólico das Encrobas por “graves erros” na documentación

Coa mobilización do vindeiro 23 de abril xa no calendario, a comarca segue loitando...

  O vello asilo de anciáns reaparece na memoria da cidade

O edificio "Citania", propiedade de Vivienda Confort, na rúa Adelaida Muro, acadou nos últimos...

Incautados 235,60 Kg de ourizo

O Servizo Marítimo Provincial da Garda Civil da Coruña incautou 235,60 Kg de ourizos...

DEIXAR UN COMENTARIO

Please enter your comment!
Please enter your name here