InicioBARRIOSA sombra de 30 edificios ameaza San Pedro de Visma

A sombra de 30 edificios ameaza San Pedro de Visma

Publicada o

Por Ubaldo Cerqueiro

Dende os anos 90, os verdes campos de San Pedro de Visma son vixiados polos ollos da especulación. A zona que sobe dende o Ágora ata o monte de Bens vive allea á cidade, coas hortas urbanas, algunha vaca, ovellas… como se comproba entrando na cidade pola Terceira Ronda ollando unhas mellores vistas que aínda nos queda da enseada.

Pero dende o pasado mes de decembro, cando a Xunta de Goberno aprobaba o proxecto de urbanización de Visma, esa zona conta os seus días (contan que estea edificado nun prazo de 3 anos) para convertirse nun novo barrio, como pasou cos Rosales nos anos 90, como está pasando con Xuxán, ou como está a piques de pasar coa nova promoción de Santo Amaro-Orillamar.

En Visma prevese a construción de 30 edificios, entre elas 3 torres de case 20 alturas, unhas 4.000 vivendas (1.000 de protección oficial), ademais do acondicionamento de 90.000 m2 de zona verde, de céspede.

As infografías de Adrián Martínez dan conta do impacto da urbanización proxectada, provocando que os barrios próximos como Visma, Os Mariñeiros ou o Ventorillo, queden en sombra eternamente.

Promocion Visma-Infografia-Adrian-Martínez

Críticas da Marea

A Marea Atlántica pide suspender o proxecto de urbanización de Visma, “propio dos anos 90 e contrario ás leis do solo e do patrimonio”. Xan Xove denunciaba que a alcaldesa “confunde a política de vivenda coa xestión inmobiliaria”, critica que non pode “actuar coma unha xestoría para promotores” e

A Marea asegura que convocarán un encontro aberto coa veciñanza de Visma, Os Mariñeiros e o Ventorrillo, para explicarlles as alegacións que van presentar e que van nas seguintes liñas:

  • 1. Protexer a arqueta dos Frades, unha parte da Viaxe de Visma, o antigo abastecemento de auga da Coruña trazado a comezos século XVIII, un elemento protexido desde 2013.
  • 2. Protección doutros elementos da Viaxe de Visma, que atravesaba de leste a oeste a zona que agora se pretende urbanizar, redescubertos en 2016 pero sobre os que non hai informes arqueolóxicos municipais.
  • 3. Alteración da paisaxe de Visma e a Agra do Orzán con bloques de entre 10 e 21 andares.
  • 4. Conservación das ecohortas da Agra do Orzán.
  • 5. Incumprimento dos obxectivos de desenvolvemento urbano sostible.

Novas relacionadas

ÚLTIMAS

Olladas doutro tempo: Santa Cristina

A Pasaxe da Foz era o nome que se empregaba antigamente para referirse ó...

O traballadores da limpeza de Cambre e Culleredo volveron levar ás rotondas as súas reivindicacións laborais

Volve a actualidade conflito laboral en Jardincelas. Lonxe de solucionarse, o conflito laboral dos...

“Aquí tamén se fala” convértese en Festival!

Impresionante o traballo normalizador que está a realizar o IES Rafael Dieste. Co alumnado...

Esquerda Revolucionaria acusa ao PP da Coruña de ser coma Vox por tentar prohibir un acto sobre Lenin

A portavoz de Esquerda Revolucionaria na Coruña, Beatriz García, denunciou unha "campaña matonil" do...

DEIXAR UN COMENTARIO

Please enter your comment!
Please enter your name here