InicioCULTURAA superheroína herculina “Nabiza Girl” xa ten o seu cómic

A superheroína herculina “Nabiza Girl” xa ten o seu cómic

Publicada o

Por Ubaldo Cerqueiro

 

Leva décadas sobre os escenarios do país como gran liberadora da nosa cultura. Agora faino tamén nas viñetas dun cómic, o espazo ideal para contar as aventuras dunha heroína como #NabizaGirl. A parodia á galega dos superheroes do mundo clásico do cómic, histriónica e delirante na súa loita contra o mal e os marcos movidos de sitio volve á súa orixe, as páxinas da banda deseñada.

Onte presentábase no eterno Bar Sanín, na rúa do Orzán, o cómic “Operación Breogán”, que ten como protagonista o personaxe creado
pola actriz Isabel Risco. A actriz coruñesa estivo acompañada co responsable de pasar a papel e tinta “Nabiza Girl”, o premiado debuxante Manel Cráneo, xunto co guionista, o tamén coruñés Carlos Ares, gran coñecido no audiovisual galego.

EXTERIOR DO Bar SANIN
Así estaba o Bar Sanín

“Para min é un pracer e unha sensación marabillosa que me percorre todo o corpo estar nunha viñeta”, bromeou Risco na presentación.

Pola súa parte, Cráneo non tivo problemas en recoñecer que nunca foron unha debilidade para él os superheroes, “os clásicos non van conmigo porque son moi drámaticos, non como a nosa Nabiza Girl. Así que para min foi unha terapia”. Cráneo “namorou” dela por ter precisamente algo diferente, por ser “unha superheroina que saber rir de nós mesmos. Porque se non sabemos facelo non imos a ningures”.

Ademais, Carlos Ares – precursor da ficción galega, socio da produtora Zopilote e guionista de series como “Mareas Vivas” ou “Libro de familia”- dixo con retranca que este era “o primeiro acto ao que asisto no que o último que fala é o guionista, porque ou non falamos ou falamos de primeiro”, anotou que no cómic atoparemos tamén unha homenaxe a Radio Océano e ao grupo Os Diplomáticos, “que son parte da nosa vida”.

Pero é que o cómic é 100% Coruño, con s escenarios recreados con oficio: o Obelisco dos Cantóns, o Castro de Elviña, a Torre de Hércules a Dársena da Mariña e, ademais do propio Bar Sanín tamén sae O Fiuza de Monte Alto. Escenarios percorridos por personaxes recoñocidas e recoñecibles como os mariñeiros Xosé Iglesias, Manolo Presas, Xulio Montero -presentes entre o público- e o finado Serafín Mourelle, ao que se lle fixo unha merecida lembranza.

Operacion Breogan-Comic Nabiza Girl

Xa podedes ler como Chelo Garcı́a Naveira, a personalidade segreda de de #NabizaGirl, foi imbuída cunha tremenda forza e velocidade tras inhalar un exceso de sulfatos con insospeitados resultados, ollando o cómico que tendes na recén estreada web isabelrisco.eu.

Detrás do proxecto está a xestión e produción de Marta Horjales, coñecida profesional do eido cultural- participa das “Axudas á creación para artistas individuais empadroados na Coruña 2022” e inicia agora a súa distribución na rede das bibliotecas da Coruña, tanto municipais como da Deputación e da Xunta de Galicia, así como nos centros de ensino de secundario da cidade.

ÚLTIMAS

Nova protesta para pedir “xustiza” e “máis investigación” polo asasinato de Yoel Quispe

Familiares e amigos de Yoel Quispe, o mozo español de orixe peruana, de 22...

A asociación cultural O Mural urxe á Xunta a admitir a súa solicitude de declaración BIC dos murais de Lugrís

A asociación cultural O Mural, unha das entidades que alertou da situación dos murais...

O BNG pedirá no Parlamento galego a declaración da Coruña como mercado de vivenda tensionado

A portavoz nacional do BNG, Ana Pontón, anunciou que a formación nacionalista pedirá no Parlamento galego a...

Arde unha casa okupada no barrio dos Mallos, cun dos seus moradores detido por violencia machista

Unha vivenda okupada do barrio coruñés dos Mallos acabou calcinada este venres, cun dos...

DEIXAR UN COMENTARIO

Please enter your comment!
Please enter your name here