InicioCULTURAGuía útil para o Entroido Coruñento

Guía útil para o Entroido Coruñento

Publicada o

Por Ubaldo Cerqueiro

Xa vimos como vivir un entroido seguro, analizando o dispositivo policial, os puntos violeta. Xa aprendimos tamén as primeiras definicións do Dicionario Antroideiro de Xurxo Souto. Estamos listos para completar a guía útil para disfrutar un entroido que xa arrincaba onte cun Xoves de Comadres que quixo lembrar a figura de Isabel Zendal.
A alcaldesa uniuse na noite de onte xoves á agrupación das Comadres Cigarreiras
na homenaxe ao legado de Zendal, integrante da Real Expedición Filantrópica da Vacina, que cumpre o seu 220º aniversario.

Programa

Esta primeira fin de semana de entroido vén cargada, con festas o venres polos varios, a entroinaización do Deus Momo no Obelisco ás 21:00h, a proxección do documental Co grelo na Man e o velorio da Sardiña no Circo de Artesáns, cita que se repetirá cada noite ata o mércores.

Para este sábado, pola mañá actividades para as crianzas polos barrios e no Castelo de SAn Antón; concurso de comparsas e carrozas por San Andrés xa de tarde, para acabar en María Pita bailando a Farra Fanfarra e Sidonie.

O domingo, máis xogos populares para os peques, festas nos Mallos pola tarde.

Luns, martes e mércores (días non lectivos), continúa o lío con festas poolos barrios. O luns pola noite, concerto de The Txandals e os Mojinos Escozíos. A tarde do martes será por Monte Alto, con actividades para os nenos no Campo da Leña e o Concurso de Choqueiros da rúa da Torre.

O mércores, gymkana matutina e pola noite o Enterro da Sardiña, con desfille dende o Circo de Artesáns ata a Praia de San Amaro.

Programa Entroido Coruna 2023 1

Estado das rúas

O Concello informa ademais dos cortes das rúas para que disfrutarmos dun entroido sen coches, repetindo experiencias de peonalizacións piloto como as xa levadas a cabo con anterioridade nas rúas San Leopoldo (Agra do Orzán), Alcalde Marchesi (Catro Camiños), Compostela (Ensanche) e Monte das Moas (Os Castros).

Sagrada Familia

Dende onte, e gracias á petiición da asociación veciñal do barrio, xa esá realizada a peonalización provisional da rúa Sagrada Familia, onde ata o vindeiro mércores 22 se levarán a cabo diversas actividades, cos seguintes cortes de tráfico: na rúa Sagrada Familia, á altura da rúa Nosa Señora da Luz, ata a rúa Nosa Señora de Fátima.
O tráfico rodado desviarase na rúa Nosa Señora da Luz cara á rúa Fe, na que se cambia o sentido de circulación e, desde ela, os vehículos poderán acceder á rúa Nosa Señora de Fátima e, de aí, outra vez á rúa Sagrada Familia ou continuar cara á rolda de Outeiro.

Desfile de comparsas do sábado

O dispositivo dará comezo ás 12.00 horas, co peche ao tráfico da rúa de San Andrés, onde se concentrarán todas as comparsas a partir das 17.30 horas. Ademais, e con antelación á posta en marcha dos concursos, ás 17.00 horas cortarase o tráfico na zona dos Cantóns, desde a praza de Mina e a rúa Durán Loriga, co obxectivo de acotar a área de festexos e paso das comparsas.

O percorrido será o seguinte: desde a rúa de San Andrés, as comparsas pasarán pola rúa de Santa Catalina, o Cantón Grande, a avenida da Mariña, avenida de Montouto, Porta Real e, finalmente, chegarán á praza de María Pita.
A maiores, durante esa mesma tarde e desde as 16.30 horas, os autobuses interurbanos non poderán acceder a Entrexardíns, e os buses urbanos desviaranse na praza de Ourense en dirección entrada á cidade, e por Ánimas e o túnel da Mariña en dirección saída.
Toda vez rematen os concursos de comparsas, reabrirase o tráfico, aproximadamente ás 21.00 horas.

Martes por Monte Alto

O martes 21, a contorna da rúa da Torre e Panadeiras entre a avenida de Hércules e a rúa Sol quedará cortada a partir das 14.00 horas. Este dispositivo especial de tráfico, plantexado para facilitar a mobilidade peonil na área de festexos polos concursos de disfraces na rúa da Torre e o Campo da Leña, finalizará ás 20.30 horas.

Cortes o mércores polo Enterro

O día 22, mércores, terá lugar o percorrido especial polo Enterro da Sardiña. A comitiva partirá desde o Circo de Artesáns ás 20.30 horas, cara a praza de María Pita. Desde alí, e xa ás 21.00 horas, desprazaranse ao Campo da Leña, desde onde seguirán o traxecto pola praza de España, a rúa da Torre, Orillamar, Manuel García Canzobre, e a rúa Cutty Sark, antesala da chegada á praia de San Amaro a través do vial de acceso ao Club do Mar.

Máis novas

ÚLTIMAS

A intervención en Olmos medra implicando á rapazada

Non para o Colectivo In Nave Civitas e a asociación cultural O Mural intentando...

Alerta amarela este luns en zonas da Coruña por choivas que poderán superar os 40 l/m2 en 12 horas

O oeste e suroeste da Coruña estarán este luns en alerta amarela por choiva,...

Piden 5 anos de cárcere dúas mulleres que compraron unha gasolineira a pesar de non ter solvencia en Ferrol

A Audiencia Provincial da Coruña acollerá o vindeiro martes o xuízo contra dúas mulleres...

Un incendio nunha sauna do polideportivo municipal de Touro

Un incendio, no cadro eléctrico, nunha sauna dos vestiarios do polideportivo municipal de Touro saldouse...

DEIXAR UN COMENTARIO

Please enter your comment!
Please enter your name here