InicioBARRIOSOasis de naturalidade no negocio do fútbol base coruñés: “Estamos preparados para...

Oasis de naturalidade no negocio do fútbol base coruñés: “Estamos preparados para perder cun sorriso”

Publicada o

Por Ubaldo Cerqueiro

Con esta frase presentaba a comezos de setembro, Nacho Castro, o presidente do SD Santa Margarita, aos pais e nais, o novo proxecto do club para recuperar a canteira. Dende a marcha do eterno presidente Lalo, este club de barrio que este 2022 cumpliu 75 anos, quedara orfo de categorías de base, centrando esforzos nos sénior e Veteranos.

Pero a recuperación dos equipos de base era das premisas obrigadas da renovada directiva que leva un par de cursos ao mando do club. Os Nacho, Javi, Saso, Álex, Jose e Manel teñen unha media de idade de 30 anos, e prefiren empregar as súas tardes de ocio na creación dunha Escola de fútbol no seu barrio.

Adestrando no Parque
O proceso de captación para poñer a andar as categorías de base foi convocando adestramentos no Parque das Pontes

O pequeno local, con licencia, nestes momentos dispoñible para explotar, de “bochinche”,
que o club ten a carón do parque que dá nome ao equipo, quedou pequeno para a primeira charla informativa despois de varios meses de adestramentos no parque dos Puentes. “Estamos preparados para perder cun sorriso”, espetoulle con claridade ás familias, destacando que “hai que ter paciencia, e prefiro ir mellorando e que que cando metamos gol sexa unha festa”, como celebraron o subcampionato (era unha única final) Trofeo do Santa do 75 aniversario.

Xornada informativa as familias do SD Santa Margarita
Gonzalo Deus, Nacho Novo, Javier Novo e Jose Enrique Nuñez Seijas, parte da directiva do SD Santa Margarita, na reunión coas familias

A naturalidade de xogar vs o negocio do fútbol base

Son varias as propostas como as do Santa Margarita nacidas estes anos no medio da complicada situación na que se atopa o fútbol base coruñés. Dende hai anos, media ducia de clubs acaparan a meirande parte da rapazada da cidade, tendo ata 6 equipos na mesma categoría (con equipos A, B, C, D, E, F e ata H nalgunha categoría). Foi así como  os Marte, Sporting Coruñés, Marabillas, Unión Sportiva, Ciudad Jardín, Gaiteira ou Sinquerer foron perdendo as súas categorías inferiores.

O Fútbol Base tense convertido, coa connivencia das familias, que apostan máis polos equipos de renome, nun negocio no que os clubs contan os nenos por euros, poñendo a atención nos equipos máis potentes e fomentando máis a competitividade que a formación.

“A quen lle roubastes nenos?”

“A quen lle roubastes nenos?” preguntáronlle un día directivos doutro club á directiva do Santa. “Non necesitamos roubarlle nenos a outros equipos. Tiñamos claro que tiñamos que ir a onde estaban os nenos, e por iso estivemos todos estes meses no parque”.

Nacho explica así a campaña de captación máis singular que se fai na cidade dende hai anos. Dende o pasado mes de marzo ata este mes de xullo, o club organizou adestramentos abertos cada venres no parque dos Puentes e cada sábado no parque de Vioño. Con naturalidade e cariño, as familias foron achegándose aos parques a facer esa complicada transición de colocar aos teus nen@s nun club de fútbol sen se convirtan en mercadoría.

O éxito foi completo e neste  curso 22-23 club compite 3 equipos para as competicións federadas: Benxamíns, Prebenxamíns e Biberóns. Máis de medio centenar de rapaces rescatan as cores branquiazuis do singular club modesto.

ÚLTIMAS

Interceptan a un condutor que se deu á fuga en Culleredo tras chocar con tres coches

A Policía Local de Culleredo logrou dar co condutor que supostamente se deu á...

A AC Alexandre Bóveda afonda sobre a realidade Palestina

Non para a Asociación Cultural Alexandre Bóveda, coa programación de marzo e abril absolutamente...

Conversa con RJ Junior, promotor do Go! Electronic Festival

A finais de verán temos na comarca veciña festival de música tecno. O 13 e 14...

Conclúe a V Semana do Cinema Galego cunha media de máis de 300 espectadores por xornada no Teatro Colón

A V edición da Semana do Cinema Galego, que se celebrou entre os días...

DEIXAR UN COMENTARIO

Please enter your comment!
Please enter your name here