InicioCULTURACoruña rende unha necesaria homenaxe a Pedro Brandariz na Praza do Humor

Coruña rende unha necesaria homenaxe a Pedro Brandariz na Praza do Humor

Publicada o

Por editor

Era de obrigado cumprimento render homenaxe a un dos nosos cómicos máis icónicos. Pedro Brandariz, un ano despois do seu inesperado pasamento, xa ten a súa figura, creada por Siro López, na renovada praza do Humor. Un acto institucional e familiar, coa presencia do propio debuxante e do compañeiro Víctor Grande, serviu para inaugurar a imaxe.

Grande lembrou varias anécdotas humorísticas de Brandariz e sinalou que “todas as homenaxes que lle levamos feitas ao longo deste ano non son suficientes para recordar a Pedro”.

“Alégrome moitísimo de poder lembrar nestes mármores a Pedro Brandariz, a quen seguramente non lle parecería mal morrer como o fixo pois eu tamén quixera morrer cun lapis na man” sinalou Siro López,

“Brandariz deixounos como legado a súa felicidade, unha forma de vida sen complexos desde o humor que hoxe fica para sempre nas rúas da Coruña” sinalou a alcaldesa Inés Rey.

A praza

O acto serviu para ver o novo pavimento artístico de 472 baldosas de mármore branco coñecido como ‘Viñetas’ no que se representa, mediante ilustracións realizadas por gravado, a autores como Mark Twain, Miguel de Cervantes, William Shakespeare ou Molière, actores como Groucho Marx ou Mae West e personaxes como Astérix e Obélix, Charlot, Mafalda e Snoopy.
“Este é o único recinto europeo destas características e hoxe reinagurámolo coa inclusión dos novos personaxes e quero darlle as grazas ao Concello da Coruña pola súa recuperación 33 anos despois” sinalou Siro López, deseñador da praza.

ÚLTIMAS

A bordo da memoria: o Elcano rende tributo á travesía esquecida de 1525 desde A Coruña ás illas Molucas

A saída de Ferrol do buque escola Juan Sebastián de Elcano, prevista para este...

Incendio nunha vivenda na rúa das Camelias da Coruña

Un total de tres persoas foron trasladadas en ambulancia ao CHUAC tras rexistrarse un...

Inés Rey sobre Feijóo: “non ten nada que achegar á cidadanía”

A alcaldesa da Coruña, a socialista Inés Rey, sinalou que o líder do Partido...

Convocados paros parciais na cociña do Hospital Quirón da Coruña o martes e mércores “contra os recortes”

O sindicato Unión Xeral de Traballadores Servizos Públicos (UGT-SP) anunciou unha convocatoria de paros...

DEIXAR UN COMENTARIO

Please enter your comment!
Please enter your name here